உழவன்

கூட்டமைப்பின் நிலைப்பபடே எமது நிலைப்பாடு – சம்பந்தனுக்கு பிள்ளையான் கடிதம்! (கடிதம் இணைப்பு)

வரன் — Sun, 22 Jan 2012 20:58:37 +0000

வடக்கு கிழக்கு இணைப்பு தவிர்ந்த காணி, காவல்துறை அதிகாரங்களை வழங்குவது தொடர்பில் நானும் எனது தலைமையிலான தமிழ் மக்கள் விடுதலைப்புலிகள் கட்சியும் தங்களுடன் ஒருமித்த கருத்துடனேயே உள்ளோம் ‘ என தமிழ் தேசியக் கூட்டமைப்பின் தலைவரான இரா.சம்பந்தனுக்கு தமிழ் தேசியக் கூட்டமைப்பின் தலைவரான இரா.சம்பந்தனுக்கு என கிழக்கு மாகாண முதலமைச்சரும் தமிழ் மக்கள் விடுதலைப் புலிகள் கட்சியின் தலைவருமான சி.சந்திரகாந்தன் தெரிவித்துள்ளார்.

அக் கடிதத்தில் முதலமைச்சர் சந்திரகாந்தன் மேலும் தெரிவித்துள்ளதாவது,’கிழக்கு மாகாண மக்களின் ஆணையைப் பெற்ற முதலமைச்சர் என்ற தோரணைக்கு அப்பால், தமிழ் மக்களின் உரிமைக்கான போராட்டத்தில் 15 வருடங்களுக்கு மேலாக அர்ப்பணிப்புடன் போராடியவன் என்ற ரீதியிலும், எம்மக்களின் அழிவுகளை, இழப்புகளை, இடம்பெயர்வுகளை நேரடியாகக் கண்ணுற்று அனுபவித்தவன் என்ற வகையிலும் இவை நிகழ்காலத்திலும் எதிர்காலத்திலும் எம்மக்களுக்கு ஏற்படக்கூடாது மிக உறுதியாகச் செயற்படும் குடிமகன் என்ற வகையிலும் இந்த மடலை உங்களுக்கு வரைகிறேன்.

கடந்த நாடாளுமன்றத் தேர்தலின் போது தமிழ் மக்களின் அரசியல் ஒற்றுமை பற்றிப் பேச கொழும்பிலுள்ள தங்களின் வாசஸ்தலத்தை நாடி வந்தபோது, ‘நான் கிழக்கு மாகாணத்தையோ அதன் முதலமைச்சரையோ ஏற்றுக்கொள்ளவில்லை’ என்று கிழக்கு மக்களின் சுயாதீனத்தையும், இறைமையையும் தாங்கள் நிராகரித்த போதும் கூட, தங்களுக்கு எம் மக்களின் சார்பாக இந்த மடலை வரையக் காரணம் ஒட்டு மொத்த தமிழினத்தின் சுபீட்சமான நிம்மதியான நிகழ்கால எதிர்கால நலன்களைத்தவிர குறுகிய அரசியல் நோக்கங்கள் அல்ல என்பதை தாங்கள் முதல்கண் உணர்வீர்கள் என நம்புகிறேன்.

அரசாங்கத்துடன் தமிழ் தேசியக் கூட்டமைப்பினர் கடந்த 18 மாதங்ககளாக 15 சுற்றுக்களாக நடத்திவரும் பேச்சுவார்த்தையில் பேசப்படும் விடயங்கள், தமிழ்மக்களின் சார்பாக கூட்டமைப்பினரால் முன்வைக்கப்படும் அதிகாரப்பகிர்வுக்கான யோசனைகள் இதுவரை கூட்டமைப்பினரால் தங்களுக்கு வாக்களித்த மக்களுக்கோ, நாட்டுக்கோ பகிரங்கப்படுத்தப்படவில்லை.

பேச்சுவார்த்தைக்காக அரசாங்கம் அழைப்பதும் சில சுற்றுக்கள் கூடிக் கதைப்பதும் திருப்தி இல்லை என கூட்டமைப்பினர் விலகிக் கொள்வதாக அறிவிப்பதும் பின் அரசாங்கத்துடன் பேசுவதும் என இருதரப்புக்குமிடையிலான பேச்சுவார்த்தையானது தொடர்கதை போல நீள இந்தப் பேச்சுவார்த்தையின் உண்மையான நிலையும் அதில் மறைந்துள்ள மர்மங்களும் தந்திரங்களும் தங்களுக்கும் பேச்சுவார்த்தையில் கலந்துகொள்ளும் ஏனைய நாடாளுமன்ற உறுப்பினர்களுக்கும் மாத்திரமே தெரியும் என நம்புகிறேன்.

ஆனாலும் அண்மைக்காலமாக ஊடகங்களிலும் அரச தரப்பினராலும் வெளியிடப்படும் கருத்துக்களின் அடிப்படையில் தமிழ் தேசியக் கூட்டமைப்பானது அரசாங்கத்துடன் மாகாண சபைகளுக்கான காணி, காவல்துறை அதிகாரங்கள் மற்றும் வட கிழக்கு இணைப்பு ஆகியவற்றை அடிப்படையாகக் கொண்டே பேச்சுவார்த்தை நடத்துவதாக ஊகிக்க முடிகின்றது.

எம் இந்த யூகம் உண்மையாக இருக்குமானால் வடக்கு கிழக்கு இணைப்பு தவிர்ந்த காணி, காவல்துறை அதிகாரங்களை வழங்குவது தொடர்பில் நானும் எனது தலைமையிலான தமிழ் மக்கள் விடுதலைப்புலிகள் கட்சியும் தங்களுடன் ஒருமித்த கருத்துடனேயே உள்ளோம். வட கிழக்கு இணைப்பின் சாத்தியப்பாடு குறித்தும் அதில் கிழக்கு மாகாண மக்களது அபிலாசைகள் பற்றியும் தங்களுடன் விரிவாக கலந்துரையாட நாம் தயாராகவுள்ளோம்.

மாகாணங்களுக்கான காணி, காவல்துறை அதிகாரங்கள் தொடர்பில் பேசுவதற்கு கூட்டமைப்பினர், புலிகள் ஆயுதப்போராட்டம் தோற்கடிக்கப்பட்ட பின்னரே முன்வந்துள்ளனர் என்பதுடன் நாம் அதற்கு முன்பிருந்தே மாகாண சபையினைப் பொறுப்பேற்றதிலிருந்து இன்றுவரை குரல் கொத்தும் அதனை பெறுவதற்கும் நாம் முயன்று வருகிறோம்.

எவ்வாறாயினும் மாகாண சபை முறைமை தொடர்பிலும் மாகாண சபை கட்டமைப்பின் 13ஆவது அரசியல் அதிகாரப்பங்கு தொடர்பிலும் நாம் கடந்த 3 வருடங்களுக்கு மேலாக நேரடியாகத் தொடர்பு பட்டிருக்கிறோம். எனவே தாங்கள் அரசாங்கத்துடன் தமிழ் மக்களின் அதிகாரப் பகிர்வுக்காக மாகாண சபை முறைமையையும் 13ஆவது அரசியல் அதிகாரத்தையும் வலியுறுத்துவீர்களாயின் அது தொடர்பில் கூட்டமைப்புடன் திறந்த மனதுடன் எம்மக்களின் நலனுக்காக பேசுவதற்கு நாம் தயாராக இருக்கிறோம் என்பதுடன் பேச்சுவார்த்தைக்கான பகிரங்க அழைப்பையும் விடுக்கிறேன்.

இனிமேலும் அடையமுடியாத இலட்சியங்களுக்காகவும், கோஷங்களுக்காகவும் எம்மக்களை பலி கொடுக்காமல் யதார்த்த பூர்வமாக அரசியல் தீர்வுக்காக நாம் கரம் கோர்த்து செயற்படுவதே இன்றைய காலத்தின் கட்டாயமும் வரலாற்று கடமையுமாகும் என்பதை மிக மூத்த அரசியல்வாதியும் பழுத்த அனுபவசாலியுமான தங்களுக்கு நான் சொல்லித்தர வேண்டியதில்லை.

எனவே மேற்குறித்த விடயங்கள் குறித்து பேசுவதற்கு இக்கடிதம் கிடைக்கப்பெற்று 15 நாட்களுக்குள் தங்களிடமிருந்து ஆக்கபூர்வமான பதிலை எதிர்பார்க்கிறேன்.

பிலிப்பைன்ஸ் நாட்டின் கிளர்ச்சியாளர்கள் ஈழத் தமிழர்களுக்கு ஆதரவு! (காணொளி இணைப்பு)

வரன் — Fri, 20 Jan 2012 20:20:47 +0000

பிலிப்பைன்ஸ் நாட்டின் ஜனநாயகத்துக்காக நீண்ட நாட்களாகப் போராடிவரும் இடதுசாரியான பேராசிரியர் ஜோசே மரியா சிசன் அவர்கள் ஈழத் தமிழர்கள் தொடர்பாக வரலாறு முக்கியத்துவம்வாய்ந்த தமது கருத்துக்களை பதிவுசெய்துள்ளனர்.

பிலிப்பைன்ஸ் கம்மியூனிஸ்ட் கட்சியின் முக்கியஸ்தரும், அந் நாட்டின் புதிய மக்கள் இராணுவத்தை உருவாக்கியவர்களில் ஒருவருமான பேராசிரியர் சிசன் அவர்கள் தமிழ் நெட் இணையத்துக்கு நேர்காணல் ஒன்றை வழங்கியுள்ளார். அதில் அவர் ஈழத் தமிழர்களின் இறையாண்மை தொடர்பாகவும் மற்றும் இலங்கை அரசின் காட்டுமிராண்டித் தனத்தையும் பற்றி தனது கருத்துக்களை தெள்ளத்தெளிவாகக் கூறியுள்ளார்.


இவர் வெளியிடும் கருத்துக்கள் பல உலக நாடுகளால் உன்னிப்பாக அவதானிக்கப்பட்டு வருகின்றமை குறிப்பிடத்தக்கது. இந் நிலையில் இவர் ஈழத் தமிழர்கள் தொடர்பாக தற்போது வெளியிட்டுள்ள கருத்துக்கள் உலகில் உள்ள பல்லின மக்கள் மற்றும் ராஜதந்திரிகளால் உன்னிப்பாக அவதானிக்கப்படும் என்பதிலும் ஐயமில்லை.
ஈழத் தமிழர்கள் ஒரு தேசிய இனம் இவர்களுக்கு என்று ஒரு இறைமை இருக்கிறது, அதனை தமிழர்கள் கையில் எடுத்தால்தான் அவர்கள் இன அழிப்பில் இருந்து காக்கப்படுவார்கள் என்ற ஆணித்தரமான கருத்தை அவர் வெளியிட்டுள்ளார். ஒரு நாட்டிற்கு இருக்கும் இறைமை போல ஈழத் தமிழ் மக்களுக்கும் ஒரு இறைமை இருக்கிறது என இவர் குறிப்பிட்டுள்ளார். ஈழப் போராட்டத்தின் ஆரம்ப காலங்களில் ஈரோஸ் அமைப்பானது இவருடன் தொடர்புகளைப் பேணி வந்தமையும் குறிப்பிடத்தக்க விடையமாகும்.
விடுதலைப் புலிகள் பல்வேறுபட்ட அழுத்தங்களுக்கு மத்தியில் சமாதானப் பேச்சுவார்த்தையில் ஈடுபட்டு வந்தனர் எனவும் ஆனால் இலங்கை அரசு அவர்கள் முன்வைத்த கோரிக்கையை முறையாக ஏற்றுக்கொள்ளவில்லை எனவும் பேராசிரியர் சிசன் மேலும் தெரிவித்தார்.
பிலிப்பைன்ஸ் கம்மியூனிஸ்ட் கட்சிக்கு ஆயுதம் தாங்கிய கிளர்ச்சிப் படை ஒன்றும் உள்ளது. அதனை புதிய மக்கள் இராணுவம் என்று அழைப்பார்கள். இவ்வமைப்பை அமெரிக்கா 2002ம் ஆண்டு தீவிரவாதிகளின் பட்டியலில் இட்டது. இதனை அடுத்து ஐரோப்பிய யூனியனும் இவர்களை தீவிரவாதிகளின் பட்டியலில் இட்டனர். விடுதலைப் புலிகளை தடைசெய்தது போன்றே இவ்வமைப்பையும் பல உலக நாடுகள் தடைசெய்தது குறிப்பிடத்தக்கது.
2011ம் ஆண்டு நோர்வேயின் அனுசரணையுடன் இவர்கள் தற்போது பிலிப்பைன்ஸ் அரசுடன் பேச்சுவார்த்தையில் ஈடுபட்டு வருகின்றனர். பேராசிரியர் சிசன் அவர்கள் நெதர்லாந்து அரசால் 2007ம் ஆண்டு கைதுசெய்யப்பட்டார். இவை அனைத்தும் அமெரிக்க-பிலிப்பைன் அரசின் கூட்டுச் சதியாக அமைந்திருந்தது. ஆனால் அவர் மீது தொடரப்பட்ட வழக்கு பின்னர் நெதர்லாந்து சர்வதேச நீதிமன்றால் தள்ளுபடிசெய்யப்பட்டது. பேராசிரியர் சிசன் அவர்கள் குற்றமற்றவர் என நிரூபணமானது அமெரிக்காவை மேலும் ஆத்திரமடையவைக்கும் செயலாக அமைந்திருந்தது.
பிலிப்பைன்ஸ் நாட்டில் ஈழப் போராட்டத்தை ஒத்த ஒரு சூழல் இருக்கும் போது, இக் கட்சி மற்றும் இதன் இராணுவப் பிரிவு என்பன தற்போது வெளியிட்டுள்ள கருத்துக்கள் ஈழத் தமிழ் மக்களுக்கு நம்பிக்கையூட்டும் வகையில் அமைந்துள்ளது. ஒரு ஒடுக்கப்பட்ட இனத்தின் ஆதரவு மற்றும் ஒரு ஒடுக்கப்பட்ட இனத்துக்கு எப்போதும் உண்டு என்பதனை இவர் கருத்துகள் பிரதிபலிக்கின்றன. அத்துடன் இடதுசாரியான பேராசிரியர் சிசன் அவர்கள் துல்லியமாக தனது கருத்துக்களை முன்வைத்துள்ளார்.
இது தொடர்பாக இலங்கை அரசு நிச்சயம் தனது அதிருப்தியை வெளியிடும் என எதிர்பார்க்கப்படுவதாக அதிர்வின் அரசியல் மற்றும் சர்வதேச அரசியல் நிருபர் தெரிவித்தார்.



குழப்பத்தில் நயன்தாரா!
வரன் — Fri, 20 Jan 2012 19:20:12 +0000
நயன்தாராவுக்கும் பிரபுதேவாவுக்கும் 2009-ல் காதல் மலர்ந்தது. அப்போதே திருமணம் செய்து கொள்ள முடிவெடுத்தனர். ஆனால் இதுவரை திருமணம் நடக்காமல் இழுத்தடிப்பது சந்தேகங்களை எழுப்பியுள்ளது.
படங்களில் நடிப்பதையும் நிறுத்தினார். இதனிடையே முதல் மனைவி ரமலத்தின் குழந்தைகளுடன் பிரபுதேவா தொடர்பு வைத்துள்ளது பிடிக்காததால் இருவருக்கும் தகராறு ஏற்பட்டதாகவும், பிரபுதேவாவை தனது வீட்டுக்குள் விடாமல் வெளியில் பல மணி நேரம் நயன்தாரா காக்க வைத்ததாகவும் கூறப்பட்டது. ஆனால் அவை வதந்திகள் என்றும் விரைவில் நயன்தாராவுடன் திருமணம் நடக்கும் என்றும் பிரபுதேவா அறிவித்தார்.
இந்த நிலையில் பிரபுதேவா தற்போது அக்ஷயகுமாரை வைத்து இந்திப்படம் இயக்கும் பணியில் ஈடுபட்டு உள்ளார். அவர் திருமணத்துக்கு காலம் கடத்துவதால் நயன்தாரா அதிருப்தியில் இருப்பதாக கூறப்படுகிறது. தெலுங்கில் 5 சினிமா நிறுவனங்கள் தங்கள் படங்களில் நடிக்க நயன்தாராவை அணுகி உள்ளதாகவும், மீண்டும் நடிக்கலாமா என்று அவர் யோசிப்பதாகவும் தகவல்கள் வெளியாகி உள்ளன.

         


ஜெயலலிதா ஆட்சியில் வரிவிலக்கு பெற்றுள்ள முதல் படம் நண்பன்
வரன் — Sun, 15 Jan 2012 11:51:40 +0000
நண்பன் படத்துக்கு முழு வரிவிலக்கு அளித்துள்ளது அரசு. ஜெயலலிதா ஆட்சியில் வரிவிலக்கு பெற்றுள்ள முதல் படம் நண்பன் என்பது குறிப்பிடத்தக்கது.
தமிழில் தலைப்பு வைத்தாலே போதும், வரி விலக்கு உண்டு என்று முன்பு கருணாநிதி ஆட்சிக் காலத்தில் அறிவிக்கப்பட்டது. இதனால் தரமற்ற குப்பைப் படங்களும் தமிழில் தலைப்பு வைத்ததற்காக வரி விலக்கு பெற்றன.
ஜெயலலிதா ஆட்சிக்கு வந்ததும், தமிழில் பெயர் வைத்தால் மட்டும் போதாது… அனைவரும் பார்க்கத்தக்க யு சான்றிதழ் பெற்றிருக்க வேண்டும், தரமான படமாக இருக்க வேண்டும். அப்போதுதான் வரிவிலக்கு என நிபந்தனைகள் விதித்தது.
வரிவிலக்கு பெறத் தகுதியான படங்களை தேர்வு செய்ய 22 பேர் கொண்ட குழுவையும் அமைத்தது அரசு. இதில் இயக்குநர்கள், நடிகர்கள், தயாரிப்பாளர்கள், இசையமைப்பாளர்கள் இடம்பெற்றுள்ளனர்.
இந்தக் குழு பார்த்து பரிந்துரைக்கும் படத்துக்கே வரிவிலக்கு கிடைக்கும். வரிவிலக்குக்கு படங்களை அனுப்ப ரூ 10000 கட்டணம் உண்டு.
இந்த நிபந்தனைகளைப் பூர்த்தி செய்யும் வகையில் விஜய் நடித்துள்ள நண்பன் படம் இருப்பதால் படத்துக்கு முழு வரிவிலக்கு அளிக்கப்பட்டுள்ளது. ஷங்கர் இயக்கத்தில், விஜய்யுடன் ஜீவா, ஸ்ரீகாந்த், சத்யராஜ் நடிக்க பொங்கலுக்கு வெளியாகியுள்ள இந்தப் படத்து ரசிகர்கள் மத்தியில் நல்ல வரவேற்பு கிடைத்துள்ளது. இந்த நிலையில் வரிவிலக்கு அறிவித்துள்ளது வசூலை மேலும் அதிகரிக்கும் என எதிர்ப்பார்க்கப்படுகிறது.
ஜெயலலிதா பதவிக்கு வந்த இந்த 7 மாதங்களில் வரி விலக்கு பெற்றுள்ள முதல் படம் நண்பன் மட்டும்தான் என்பது குறிப்பிடத்தக்கது.

         


மகனை அடித்துக் கொலை செய்து சடலத்தை சாலையில் வீசிய தந்தை !
வரன் — Sun, 15 Jan 2012 11:46:32 +0000
மருமகளுக்கு செக்ஸ் டார்ச்சர் கொடுத்த தொழில் அதிபர், சொந்த மகனையே கொலை செய்து, சடலத்தை சாலையில் வீசியதாக போலீசில் பரபரப்பு புகார் செய்யப்பட்டுள்ளது.
சென்னை வியாசர்பாடி எம்கேபி நகர் 15வது மேற்கு குறுக்கு தெருவை சேர்ந்தவர்  ஏழுமலை (55). தனியார் காஸ் கம்பெனி உரிமையாளர். இவரது மகன் சீனிவாசன் (30). இவருக்கும் வேலூரை சேர்ந்த தாட்சாயிணிக்கும் (28), 2009ம் ஆண்டு ஆகஸ்ட் 23ம் தேதி திருமணம் நடந்தது.
இவர்களுக்கு குழந்தை இல்லை. சீனிவாசன், தனது மனைவி மற்றும் தந்தையுடன் கூட்டுக் குடும்பமாக வசித்து வந்தார். மகன் வீட்டில் இல்லாத நேரத்தில் மருமகளிடம் தகாத முறையில், ஏழுமலை நடக்க முயற்சித்தார்.சீனிவாசனுக்கு வேறொரு பெண்ணை திருமணம் செய்து வைக்க முடிவு செய்த ஏழுமலை, அதற்கான வேலைகளை தொடங்கினார். இதையறிந்த தாட்சாயிணி, எம்.கே.பி.நகர் மகளிர் காவல் நிலையத்தில் புகார் செய்தார்.
கடந்த சில நாட்களுக்கு முன்பு தாட்சாயிணிக்கு போன் செய்த சீனிவாசன், “என்னை கொலை செய்வதற்கு அப்பா முயற்சி செய்கிறார். நீ வந்து என்னை அழைத்துக் கொண்டு போ என்று கூறியிருக்கிறார்.
பின்னர் அவரது செல்போன் சுவிட்ச் ஆப் செய்யப்பட்டிருந்தது. இதுகுறித்தும் தாட்சாயிணி போலீசாருக்கு தெரிவித்தார்.  இதற்கிடையே, வியாசர்பாடி அம்பேத்கர் கல்லூரி அருகே, நேற்று காலை சீனிவாசன் சடலமாக கிடந்தார். எம்கேபி நகர் போலீசார் சடலத்தை மீட்டு, பிரேத பரிசோதனைக்கு ஸ்டான்லி மருத்துவமனைக்கு அனுப்பி வைத்தனர்.
விசாரணையில் கடந்த 9ம் தேதி தந்தை, மகனுக்கு இடையே தகராறு ஏற்பட்டுள்ளது. அப்போது, உருட்டுக் கட்டையால் சீனிவாசன் தலையில் ஏழுமலை அடித்துள்ளார். இதில் காயமடைந்த அவரை மருத்துவமனையில் சேர்த்துள்ளார்.
அங்கு சிகிச்சை பலனின்றி இறந்து விடவே, சடலத்தை சாலையோரம் வீசிவிட்டு, ஏழுமலை தலைமறைவானது தெரிய வந்தது. இதற்கிடையே, சீனிவாசன் இறந்த செய்தி அறிந்த தாட்சாயிணி, கணவனின் சடலத்தை பார்த்து கதறி அழுதார். பின்னர், அவர் நிருபர்களிடம் கூறியதாவது:
மாமியாரை அடித்து துரத்தி விட்டு தனியாக இருந்த மாமனாரை, எங்களுடன் வசிக்க கணவர் அனுமதித்தார். ஆனால் அவர், நாங்கள் இரவில் தூங்குவதை எட்டிப் பார்ப்பார். மேலும், எனக்கு பல வகையிலும் செக்ஸ் டார்ச்சர் தந்தார். அவரது தொல்லை தாங்காமல்தான், கணவருடன் கோபித்துக் கொண்டு பெற்றோர் வீட்டுக்கு சென்று விட்டேன். இதுகுறித்து போலீசில் புகார் செய்தேன்.
போலீசார் உரிய நேரத்தில் மாமனார் மீது நடவடிக்கை எடுத்திருந்தால், என் கணவருக்கு இந்த நிலை ஏற்பட்டிருக்காது என்றார்.
இந்த நிலையில் சீனிவாசனின் பிரேத பரிசோதனையில் மார டைப்பில் மரணமடைந்தது தெரிய வந்துள்ளதாக போலீசார் தெரிவித் துள்ளனர்.  ஆனாலும் சீனிவாசனின் மரணம் குறித்தும், மருமகளின் குற்றச்சாட்டுகள் குறித்தும் போலீசார் விசாரணை நடத்தி வருகின்றனர்.

         


கல்லூரியில் தலைகாட்ட முடியாது தீவைத்து தற்கொலை
வரன் — Fri, 13 Jan 2012 22:25:32 +0000
உள்ள தனியார் மருத்துவக்கல்லூரியில் எம்.பி.பி.எஸ் இரண்டாம் ஆண்டு படித்து வருபாவர் கவுதம். காஞ்சிபுரத்தை சேர்ந்த இவர் சேலத்தில் உள்ள கல்லூரி விடுதியில் தங்கி படித்து வருகிறார்.
இவரது அறையில் உடன் தங்கியிருக்கும் ஷெரின் என்பவரின் 32 ஆயிரம் ரூபாய் மதிப்புடைய நவீன வசதிகைக்கொண்ட புதிய செல்போன் ஓன்று கடந்த சிலதினங்களுக்கு முன்னர் காணாமல் போய்விட்டது.
ஷெரின் தொலைந்து போன தன்னுடைய செல்போனில் இருக்கும் நம்பருக்கு கூப்பிடும் போதெல்லாம் இந்த என் “சுவிச் ஆப்” செய்யப்பட்டுள்ளது என்ற தகவல் மட்டும் வந்தது.
இரண்டு நாட்கள் செல்போனை தேடிய ஷெரின் பிறகு, புதிதாக ஒரு போன் வாங்கிக்கொண்டு தான், முன்பு பயன்படுத்திய “சிம்” கார்டின் நம்பரையே மீண்டும் வாங்கி கொண்டு வந்து விட்டார்.
ஆனால், புத்திசாலித்தனமாக சுவிச் ஆப் செய்யப்பட்டுள்ள தன்னுடைய மொபைல் போன் மீண்டும் ஆன் செய்தால் உடனடியாக தன்னுடைய நம்பருக்கு தொலைந்து போன மொபைல் போன் எந்த நம்பரில் இப்போது பயன்படுகிறது என்ற விபரங்கள் அடங்கிய தகவல் தன்னுடைய மொபைலுக்கு எஸ்.எம்.எஸ் ஆக வரும்படி ஒரு புதிய சாப்ட்வேரை தொலைந்து போன செல்போனில் பொருத்தியிருந்தார்.
இரண்டு நாட்களுக்கு முன்னர் ஷெரின் மொபைல் போனுக்கு ஒரு எஸ்.எம்.எஸ் வந்துள்ளது. அதில், காணமல் போன தன்னுடைய 32 ஆயிரம் ரூபாய் செல்போன் இப்போது எந்த நம்பரில் செய்யல்படுகிறது என்ற விபரம் வந்துள்ளது.
கடலூரில் உள்ள அந்த எண்ணுக்கான முகவரியை கண்டு பிடித்து அங்கு சென்று, இந்த செல்போன் எங்கு வாங்கினீர்கள்…? என்று விசாரித்துள்ளார் ஷெரின்.
சேலத்தில் உள்ள ஒரு மொபைல் போன் கடையின் முகவரியை கொடுத்து அந்த கடையில்தான் நான் வாங்கினேன் என்று சொல்லியுள்ளார் செல்போனை வைத்திருக்கும் கடலூர் நபர்.
சேலத்தில், குறிப்பிட்ட அந்த கடைக்கு சென்ற ஷெரின் அங்கு  விசாரித்த போது, “ஆமாம் ஸார்” நாங்க தான் இந்த செல்போனை போனை விற்றோம், இது சுரேஷ் என்ற ஒரு “கஸ்டமர்” எங்களிடம் எக்சேஞ்க்கு கொடுத்து விட்டு போன போன் ஸார் இது என்று சொல்லியுள்ளனர்.
சுரேஷ் யார்…? அவர் எப்படியிருப்பார்…? என்று கேட்டுள்ளார் ஷெரின். ஒரே நிமிஷம் ஸார்…., மிஸ்டர் சுரேஷ் யார்னு நான் காட்டேரன் என்று தங்களின் கடையில் இருக்கும் சி.சி.டி கேமராவில் பதிவாகியிருந்த சுரேஷ் என்று சொல்லிய நபர் செல்போனை கொண்டு வந்து விற்பனை செய்யும் காட்சியை எடுத்து கணினியில் காட்டியுள்ளனர்.
அந்த காட்சியில், சுரேஷ் என்ற பெயரில் செரினின் 32 ஆயிரம் ரூபாய் செல்போனை விற்பனை செய்தவர் தன்னுடைய அறையில் தங்கி படித்துக் கொண்டிருக்கும் கவுதம் தான் என்பது தெரிந்து விட்டது.
கல்லூரி விடுதிக்கு சென்ற ஷெரின், எதற்க்காக என்னுடைய செல்போனை திருடிகொண்டு போய் விற்றாய்…? என்று கவுதமிடம் கேட்டுள்ளார்.
முதலில் தான் செல்போன் திருடவில்லை… என்று மறுத்த கவுதம், பிறகு ஷெரின் கையில் வைத்திருந்த எல்லா ஆதாரங்களையும் காட்டியதும் மவுனமானர்…
ஷெரினிடம் வசமாக சிக்கிக்கொண்ட கவுதம் இனி கல்லூரியில் தலைகாட்ட முடியாது என்ற அவமானத்தால் நேற்று இரவு தான் தங்கியிருக்கும் விடுதி அறையின் கழிவறைக்குள் சென்று பெற்றோலை ஊற்றி தீவைத்துக் கொண்டு தற்கொலை செய்துகொண்டார்.
ஆட்டையாம்பட்டி போலீசார் கவுதமின் தற்கொலை பற்றி விசாரணை செய்துவருகிறார்கள்.அதிகப்படியான ஆசைகள் தான் மனிதனின் அழிவுக்கு காரணமாகிறது.nakkheeran.in

         


அங்கவீனர்களான கைதிகளை விடுதலை செய்யுமாறு நாடளாவிய ரீதியில் ஜனாதிபதிக்கு மகஜர்!
வரன் — Fri, 13 Jan 2012 21:59:46 +0000
விசாரணைகளின்றி சிறைச்சாலைகளில் வாடுகின்ற அங்கவீனர்களான தமது பிள்ளைகளை பிறந்துள்ள புத்தாண்டு சந்தர்ப்பத்தில் விடுதலை செய்யுமாறு கோரி, அவர்களின் பெற்றோர்களினால் நாடளாவிய ரீதியில் ஜனாதிபதி மகிந்த ராஜபக்சவுக்கு மஜர்கள் அனுப்பி வைக்கப்பட்டுள்ளன.
சிபிஆர், சிபிஆர், நியூ மகசின், வெலிக்கடை பெண்கள் பிரிவு, அனுராதபுரம், திருகோணமலை, மட்டக்களப்பு போன்ற சிறைச்சாலைகளில் அங்கவீனர்களான இவர்கள் தடுத்து வைக்கப்பட்டிருப்பதாகவும், நீதிமன்றங்கள் மற்றும் சம்பந்தப்பட்ட அதி;காரிகளிடம் பல தடவைகள் இவர்களை விடுதலை செய்யுமாறு கோரியும் பலன் கிட்டாத நிலையிலேயே மகஜர் மூலமாக ஜனாதிபதியிடம் கோரிக்கை விடுப்பதாகவும் பெற்றோர்கள் தமது மகஜரில் தெரிவித்துள்ளனர்.
இந்த மகஜரின் பிரதி பாதுகாப்பு அமைச்சின் செயலாளருக்கும் அனுப்பி வைக்கப்பட்டுள்ளது.
அந்த மகஜரின் முழுவிபரம் வருமாறு:
அதிமேதகு ஜனாதிபதி அவர்களே!
கடந்த மூன்று தசாப்தகாலமாக நடைபெற்ற யுத்தம் முடிவுக்குக் கொண்டுவரப்பட்டு இன்று வடக்கு, கிழக்கு உட்பட நாட்டின் சகல மாவட்டங்களிலும் தேசியப்பாதுகாப்புக்கு எந்தவிதமான அச்சுறுத்தலற்ற சூழ்நிலையே காணப்படுகிறது. மேலும், இந்த கொடிய யுத்தத்தினால் கண், கால், கைகளை, இழந்தும் இடுப்போடு உணர்ச்சிகளை இழந்த நிலையிலும் எங்களுடைய பிள்ளைகளும் உறவினர்களும் தாங்கமுடியாத துன்பங்களோடு சிறையில் வாடுகின்றார்கள்.
இவர்கள் ஏனைய கைதிகளுடன் ஒன்றாகத் தடுத்து வைக்கப்பட்டிருப்பதனால், இவர்கள் ஏனைய கைதிகளின் மன வெறுப்புக்குள்ளாக வேண்டிய துர்ப்பாக்கிய சூழலுக்கு உள்ளாகியுள்ளார்கள்.
அத்துடன் சிறைச்சாலைகளில் இவர்களுக்கென போதிய இடவசதியற்ற காரணத்தால் இவர்கள் தங்களுடய அடிப்படைத் தேவைகளைக்கூட பூர்த்தி செய்து கொள்ள முடியாமல் தவிக்கின்றார்கள்.
எங்களுடைய பிள்ளைகள் சிலருக்கு காயங்கள் கூட இன்னும் சரியாக குணமடையாததால் காயங்களிலிருந்து இரத்தம், ஊனம் வடிந்தவண்ணம் இருக்கின்றது. ஒழுங்கான முறையில் இவர்களுக்கான மருத்துவ வசதிகள் இல்லாததால் இவர்கள் மேலும் மேலும் நோய்களால் துன்பப்படுகிறார்கள்.
சிபிஆர், நியூ மகசின், வெலிக்கடை பெண்கள் பிரிவு, அனுராதபுரம், திருகோணமலை, மட்டக்களப்பு போன்ற சிறைகளில் எங்களுடய பிள்ளைகள் இருக்கின்றார்கள்.
இவர்களில் அனேகமானவர்கள் இறுதி யுத்தத்தின் முடிவில், விசாரணைகளின் பின்னர் விடுதலை செய்யப்படுவார்கள் என்று வழங்கப்பட்ட அரசாங்கத்தின் வாக்குறுதியை நம்பி இராணுவத்திடம் சரணடைந்தவர்கள் என்பதும் குறிப்பிடத்தக்கது. மேதகு
ஜனாதிபதி அவர்களே!
இறுதியுத்தத்தில் சரணடைந்த குறிப்பிட்ட ஒரு தொகுதி முன்னால் போராளிகளுக்குப் புனர்வாழ்வளித்து அவர்களை சமுக மயப்படுத்தியுள்ளீர்கள் இது எங்களுக்கும் மிகுந்த மகிழ்ச்சியைத் தந்திருக்கின்றது. இருந்தாலும் இதுபோன்று எங்களுடய பிள்ளைகளையும் நீங்கள் விடுதலை செய்யும்போதுதான் எங்கள் அனைவருடய மனங்களிலும் முழுமையான சந்தோசத்தைக் காணமுடியும்.
இதற்கு முன்பு நாங்கள் நீதிமன்றங்களிலும், இது சம்பந்தமான அரச அதிகாரிகளுடனும் பல முறை எமது இந்தப் பிள்ளைகளை விடுதலை செய்யுமாறு கோரியிருந்தும், எந்த பலனும் எங்கள் பிள்ளைகளுக்கு கிடைக்கவில்லை.
கௌரவ ஜனாதிபதி அவர்களே!
இன்று அங்கவீனத்துடன் சிறைக்குள் வாடித் தவிக்கின்ற எங்களுடய பிள்ளைகளையும் உறவுகளையும் இப்புத்தாண்டிலாவது எங்களோடு சேர்ந்து வாழ்வதற்கு ஓரு சந்தர்ப்பத்தை வழங்குங்கள். கருணை உள்ளத்துடன் எங்கள் பிள்ளைகளை மன்னித்து அனைவருடய மனங்களிலும் நிரந்தரமான சமாதானத்தையும் சந்தோசத்தையும் வழங்குமாறு தாழ்மையுடன் வேண்டிக் கொள்கிறோம்.
- இவ்வாறு அந்த மகஜரில் தெரிவிக்கப்பட்டிருக்கின்றது.

         


பாராளுமன்றத்தில் முழங்கிய வியையகலா டக்ளசு மோதல்.!
வரன் — Thu, 12 Jan 2012 15:42:47 +0000
யாழ்குடாவை அண்டிய நெடுந்தீவுப் பகுதிகளில் பல மனைவிமார்களை வைத்துள்ளதாக டக்ளசு மீது பாராமன்றில் அதிரடித் தாக்குதலை மேற்கொண்டுள்ளார் விசையகலா மகேசுவரன்.
கடந்த நாளின் பாராளுமன்றத்தில் முழங்கிய வியையகலா மகேசுவரனைக் கொன்றது முதல் தென்மராட்சிப் பகுதியில் கொலை செய்தது வரை எல்லாமே நீங்கள்தான் எனவும் ஈழ மக்கள் சனநாயகக் கட்சியின் மீது சொற்தாக்குதல் நடத்தியுள்ளார்.



         


திரும்பித்தாக்கும் வரை நீயும் அடிமை தான்.!
வரன் — Wed, 11 Jan 2012 19:49:38 +0000
எப்போதும் பொதுவாக சில பெண்கள் தனியாக செல்லும் போது அமைதியைக் கடைபிடித்து குனிந்த தலை நிமிராமல் செல்ல வேண்டும் என்று வீட்டில் இருந்த வெளியே அனுப்புகின்ற பெற்ரோர்கள் அறிவுறுத்துவது தமிழர்களில் உள்ள பண்பாடுகளாகும்.

ஆனால் இவை காலம் கடந்த பஞ்சாங்க கண்ணில் மாறியுள்ளது.
ஆண்களும் பொல்லாதவர்கள் தான் பெண்களை கண்டால் காரணம் நாணம் அடக்கம் என மேலும் பெண்களுக்கு ஒரு விசேட குணம் உண்டு.

ஆனால் தற்காலத்து பெண்கள் அப்படியல்ல.

மிகவும் வித்தியாசம்.

ஏறி மிதிச்சு அடிப்பார்கள்.

இதை நாகரீக மாக செய்துள்ளதாக ஒரு பதிவு..

ஏதேனும் சக தோழியைக் கண்டால் உற்சாகமான உரையாடலை சட்டென ஆரம்பித்து விடுகிறார்கள். கடைவீதி, அலுவலகம், ஆலயம், ஏன் சுட்டெரிக்கும் வீதியில என்றால் கூட இந்த உரையாடல் தடைபடுவதில்லை.
இப்படியிருக்கும் பெண்கள் தனியாக செல்லும் பொழுது அவர்களை இடையூறாக அமையும் விடயத்தை சற்று வித்தியாசமாக எதிர்நோக்கும் நாகரீக மாக எடுத்துள்ள ஒரு பதிவுக் காணொளியைக்காணலாம். 

         


ஏர் இந்தியா விமானத்திற்கு வெடிகுண்டு மிரட்டல்
வரன் — Wed, 11 Jan 2012 19:43:29 +0000
இந்தியாவின் மும்பையிலிருந்து தலைநகர் புதுடெல்லிக்கு புறப்பட்ட ஏர் இந்தியா விமானத்தில் வெடிகுண்டு வைத்திருப்பதாக தகவல் வந்ததையடுத்து விமானம் அவசரமாக தரையிறக்கப்பட்டது. 

ஏர் இந்தியா (ஏர்பஸ் ஏ-319) விமானம் 117 பயணிகள் மற்றும் 6 சிப்பந்திகளுடன் இன்று காலை 7 மணிக்கு(இந்திய நேரம்) மும்பை விமான நிலையத்தில் இருந்து தலைநகர் புதுடெல்லிக்கு புறப்பட்டது.
விமானம் புறப்பட்ட சிறிது நேரத்திலேயே ஏர் இந்தியா அழைப்பு நிலையத்திற்கு வந்த அழைப்பில், விமானத்தில் உள்ள ஒரு சாமான் பையில் குண்டு இருப்பதாக தகவல் வந்தது.
இதையடுத்து அந்த விமானத்தை உடனே தரையிறங்குமாறு அறிவுறுத்தப்பட்டது. ஆனால் அதற்குள் விமானம் புதுடெல்லியை அடைந்து விட்டதால் அங்குள்ள இந்திரா காந்தி சர்வதேச விமான நிலையத்தில் இன்று காலை 8.57 மணிக்கு தரையிறக்கப்பட்டது.
உடனே அந்த விமானத்தை பயணிகளுடன் தனிவான இடத்திற்கு கொண்டு சென்றனர். இதையடுத்து காலை 9.15 மணிக்கு பயணிகளை இறக்கிவிட்ட பிறகு விமானம் சோதனையிடப்பட்டது.
ஆனால் எந்த வெடிகுண்டும் கிடைக்கவில்லை. யாரோ வேண்டும் என்றே பொய்யான தகவலை கொடுத்துள்ளார் என்பது தெரிய வந்துள்ளது.